නාත්තන්ඩිය ප්‍රාදේශීය සභාවට අයත් පුස්තකාල පද්ධතිය වයඹ පළාත තුල මෙන්ම ශ්‍රී ලංකාවේ පුස්තකාල අතරින්ද සුවිශේෂී ඇගයීම්වලට ලක්වූ අග්‍රගන්‍ය වූ සේවාවක් සපයන පුස්තකාල 15කින් හා ජංගම පුස්තකා රථයකින් සමන්විත පුස්තකාල පද්ධතියකි.

වයඹ පළාතේ විශිෂ්ඨතම මහජන පුස්තකාලය ලෙස නොකඩවා වසර කිහිපයක්ම සම්මානයෙන් පිදුම් ලැබූ ප්‍රථම ශ්‍රේණියේ පුස්තකාලයක් වන නාත්තන්ඩිය මහජන පුස්තකාලය ශ්‍රී ලංකාවේ ජාතික ඵලදායීතා තරගාවලියේ නොකඩවා දෙවන ස්ථානය තෙවරක් ලබා ඇති එකම පුස්තකාලයද වේ. එසේම මාරවිල මහජන පුස්තකාලයද වයඹ පළාතේ දෙවන ශ්‍රේණියේ පුස්තකාල අතුරින් ප්‍රථම ස්ථානය ලබා ගනිමින් තමන්ගේ සේවාව වෙනුවෙන් ඇගයීම් ලබා ඇති අතර, තුන්වන ශ්‍රේණියේ පුස්තකාලයක් ලෙස මහවැව මහජන පුස්තකාලයද වයඹ පළාතේ ප්‍රථම ස්ථානයෙන් පිදුම් ලබා ඇත. තවද ඉරණවිල මහජන පුස්තකාලය ශ්‍රේණිගත නොවූ අංශයෙන් වයඹ පළාතේ ප්‍රථම ස්ථානය දිනාගෙන ඇති අතර තවත් පුස්තකාල කිහිපයක්ම පළාත තුල මෙන්ම ජාතික ඵලදායිතා තරගය ආදී ජාතික මට්ටමේ තරගයන් තුළින් ජයග්‍රහණ අත්පත් කරගෙන ඉතාමත් උසස් සේවාවක් ලබා දෙන පුස්තකාලයන් බවට පත්ව ඇත.

පුස්තකාල ක්ෂේත්‍රය නව මාවතකට ප්‍රවිශ්ඨ කරවීම වෙනුවෙන් 2023 ව්රෂයේදී ආරම්භ කරන ලද දුන්කන්නාව විද්‍යුත් පුස්තකාලය මගින් වත්මන් පාඨකයාට අවශ්‍ය විද්‍යුත් මෙන්ම ඔන්ලයින් පුස්තකාල සේවාවන් රාශියක් ආරම්භ කර ඇති අතර ඉදිරියේදී එය පුස්තකාල ක්ෂේත්‍රයේ නව පරිච්ඡේදයක් ගොඩනගනු ඇත.

අපගේ පුස්තකාල පද්ධතියට අයත් පුස්තකාල